تربت سے جبری گمشدگی کے شکار لاپتہ شاہ جہان کی عدم بازیابی کے خلاف ان کے اہل خانہ نے ڈی بلوچ پوائنٹ پر آج دوبارہ دھرنا دے دیا۔
اہلخانہ کے مطابق شاہ جہاں کی بازیابی کے لیے ہم نے پہلے بھی احتجاج کیا جہاں انتظامیہ نے وعدہ کیا تھا کہ شاہ جہاں کو جلد بازیاب کرائیں گے جس پر ہم نے اپنا احتجاج موخر کیا مگر اب چونکہ ڈیڈ لائن گزر گئی ہے اور شاہ جہان کو بازیاب نہیں کیا گیا۔
انہوں نے کہا کہ آج ہم نے انتظامیہ کی دی گئی مہلت ختم ہونے کے بعد دوبارہ جدگال ڈن پر M8 شاہراہ کو مجبوراً بند کیا ہے، جب تک شاہ جہان بازیاب نہیں کیے جاتے ہیں تب تک احتجاج ختم نہیں کریں گے۔
