بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ بیان میں کہا ہے کہ سرمچاروں نے تیرہ دسمبر بروز جمعہ چار بج کر چالیس منٹ پر مند کے علاقے چکاپ میں گھات لگا کر دشمن فورسز کے دو ویگو گاڑیوں کو جدید و بھاری ہتھیاروں سے نشانہ بنایا جس کے نتیجے میں فورسز کے چار اہلکار ہلاک اور دو زخمی ہوئے۔
انہوں نے کہا کہ سرمچاروں نے ایک خاص حکمت عملی کے تحت پہلے اسنائپر ٹیکٹکل ٹیم کے ذریعے ویگو گاڑی کے ڈرائیور کو نشانہ بنایا اور بعد میں اسپیشل آپریشن اسکواڈ نے جدید و بھاری ہتھیاروں کے ذریعے بیس منٹ تک باقی اہلکاروں کو نشانہ بنایا، جس گاڑی کو نشانہ بنایا اس میں چھ اہلکار سوار تھے جس میں چار ہلاک اور دو شدید زخمی ہوئے گاڑی کو بھی شدید نقصان پہنچا جبکہ ایک گاڑی بھاگنے میں کامیاب ہوا تاہم یہ گاڑی بھی سرمچاروں کے حملے میں نشانہ بنا۔
میجر گہرام بلوچ نے کہا کہ حملے نے دشمن کو سنبھلنے کا موقع نہیں دیا جس کی وجہ سے دشمن فورسز کو گولی چلانے کا بھی موقع نہ مل سکا۔
انہوں نے کہا کہ جدید جنگی حکمت عملی نے دشمن کو اتنا خوفزدہ کردیا ہے کہ وہ اپنے کیمپ اور چوکیوں تک محدود ہے اور باہر نکلنے کی صورت میں انہیں شدید حملوں میں نشانہ بنایا جاتا ہے جس کی وجہ سے وہ شدید ذہنی و نفسیاتی بیماریوں میں مبتلا ہے۔
ترجمان نے کہا کہ بی ایل ایف اس حملے کی ذمہ داری قبول کرتی ہے اور آزاد بلوچستان کے حصول تک دشمن اہلکاروں کو نشانہ بنانے کا عزم کرتی ہے۔
