تربت کے علاقے ملک آباد میں بدھ کی شب مدرسہ جامعہ اشاعت التوحید کے قریب ایک بم دھماکہ ہوا، جس کے نتیجے میں مدرسے کے تین طالب علم زخمی ہو گئے۔
دھماکے کے فوراً بعد علاقے میں فائرنگ کی آوازیں بھی سنی گئی۔ زخمیوں کو قریبی اسپتال منتقل کر دیا گیا ہے۔
واقعے کے بعد علاقے میں خوف و ہراس پھیل گیا ہے، اور فورسز نے جائے وقوعہ کو گھیرے میں لے کر تحقیقات شروع کر دی ہیں۔
دھماکے کی وجوہات اور ذمہ داروں کے بارے میں ابھی تک کوئی معلومات سامنے نہیں آئی ہیں۔
