ڈپٹی کمشنر گوادر نے کل ہونے والے عام انتخابات کے لئے تعینات مختلف محکموں کے 81 ملازمین تک رسائی نہ ہونے/غیر حاضر ہونے پر ڈسٹرکٹ الیکشن کمشنر گوادر کو مراسلہ جاری کرتے ہوئے غیر حاضر ملازمین کو ان کی ملازمت سے برخاست کرنے کی سفارش کردی ہے ۔
جن میں بیشتر اساتذہ کرام شامل ہیں۔
دریں اثنا ایک اور مراسلے کے مطابق الیکشن ڈیوٹی میں شامل ملازمین اگر اس دن بیماری یا سفارش کی بنیاد پر حاضر نہیں ہوئے تو انکے خلاف کاروائی کی جائی گئی ۔
واضح رہے کہ بلوچستان میں سیکورٹی خدشات کے باعث الیکشن مہم میں حکومت کو مشکلات پیش آرہے ہیں۔ جبکہ لوگوں کی عدم دلچسپی کے سبب اس الیکشن میں روایتی جوش خروش نظر نہیں آرہا ہے۔
