بلوچ مظاہرین پر تشدد اور گرفتاریاں عالمی اقوام کا پاکستان پر تنقید
یورپین یونین سفیر برائے پاکستان کے بیان کے بعد یورپی ملک ناروے کی پاکستان میں موجود سفارت خانے کی جانب سے گذشتہ شب اسلام آباد میں بلوچستان سے آئے لانگ مارچ کے شرکاء کے ساتھ اسلام آباد پولیس کی جانب سے ناروا سلوک پر تشویش کا اظہار کیا گیا ہے-
ایک بیان میں سفارتخانے نے کہا ناروے بلوچستان میں انسانی حقوق کے خلاف ورزیوں کو اجاگر کرنے اسلام آباد آنے والے مظاہرین کے ساتھ پولیس کی جانب سے تشدد اور گرفتاریوں پر پریشان ہیں، پاکستان اظہار رائے آزادی کا احترام کرے –
گذشتہ شب اسلام آباد میں بلوچ مظاہرین پر تشدد اور گرفتاریوں کے بعد پاکستانی حکومت کو دنیا بھر سے تنقید کا نشانہ بنایا جارہا ہے اس سے قبل یورپی یونین کے سفیر برائے پاکستان نے پولیس اقدامات پر تشویش کا اظہار کیا تھا-
یورپین ممالک کی جانب سے پاکستان پر زور دیا جارہا ہے کہ بلوچ مظاہرین کے خلاف طاقت کا استعمال بند کرے اور گرفتار مظاہرین کو فوری پر منظرعام پر لائے-
