بلوچستان کے ضلع قلات کے علاقے نیمرغ میں نامعلوم مسلح افراد کی فائرنگ سے حکومتی حمایت یافتئ مسلح گروہ ڈیتھ اسکواڈ کا سربراہ گارڈ سمیت ہلاک جبکہ ایک اور شدید زخمی ہوگیا۔
مقامی حکام کے مطابق میر عبدالرحیم عرف میر سخی جان ساسولی اس وقت اپنے ٹیوب ویل پر موجود تھے جب موٹر سائیکل سوار حملہ آوروں نے ان پر اندھا دھند فائرنگ کر دی اور موقع سے فرار ہو گئے۔
فائرنگ کے نتیجے میں سخی عبدالرحیم ولد میر عبدالغفور ساسولی، سکنہ نیمرغ، اور ان کے گارڈ ظفر اللہ ولد سعداللہ سکنہ گدر سوراب موقع پر ہی ہلاک ہو گئے جبکہ ایک اور گارڈ اکرام اللہ ولد نور محمد سکنہ نیمرغ شدید زخمی ہو گیا۔
