بلوچ ریپبلکن گارڈز کے ترجمان دوستین بلوچ نے میڈیا کو بھیجے گئے اپنے بیان میں کہا ہے کہ سرمچاروں نے 11 مارچ کی شام سوئی سے کراچی جانے والی 36 انچ قطر کی گیس پائپ لائن کو، جو سوئی سے کراچی تک آبادی کو گیس فراہم کرتی ہے، کشمور کے مقام پر بارودی مواد سے نشانہ بنا کر نقصان پہنچایا۔
ترجمان کے مطابق دھماکے کے باعث گیس پائپ لائن کو غیر معمولی نقصان پہنچا۔
ترجمان نے مزید کہا ہے کہ بلوچ ریپبلکن گارڈز کشمور میں سوئی سے کراچی جانے والی گیس پائپ لائن کو دھماکہ خیز مواد سے نقصان پہنچانے کی ذمہ داری قبول کرتی ہے اور اس عزم کا اعادہ کرتی ہے کہ بلوچستان کے معدنی وسائل کی لوٹ کھسوٹ کی کسی کو اجازت نہیں دی جائے گی، اور اس استحصالی عمل کے خلاف بھرپور کارروائیاں جاری رکھی جائیں گی۔
