بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ بیان میں کہا ہے کہ بی ایل ایف کے سرمچاروں نے 21 فروری کو بارکھان کے علاقے دوہلہ ندی کے قریب واقع ایک پولیس چوکی کا محاصرہ کیا۔
ترجمان نے کہا سرمچاروں نے چوکی پر مامور تین پولیس اہلکاروں کو حراست میں لے کر اُن سے سرکاری اسلحہ ضبط کر لیا، دوران تفتیش مذکورہ اہلکار تحریک کے خلاف کسی سرگرمی میں ملوث نہیں پائے گئے اس لیے سرمچاروں نے بعد ازاں ان پولیس اہلکاروں کو رہا کردیا۔
انہوں نے کہا کہ ایک اور کارروائی اسی پولیس چوکی سے کچھ فاصلے پر قائم ایک تعمیراتی کمپنی کو بھی سرمچاروں نے حملہ کرکے نشانہ بنایا اور وہاں موجود تین ملازمین کو حراست میں لے لیا جو اس وقت تنظیم کی زیرِ حراست ہیں اور ان سے تفتیش جاری ہے۔
ترجمان نے کہا کہ بلوچستان لبریشن فرنٹ بارکھان کے علاقے دوہلہ ندی میں قائم پولیس چوکی پر قبضہ اور سرکاری اسلحہ ضبط کرنے، تعمیراتی کمپنی پر حملہ کر کے تین ملازمین کو حراست میں لینے کی ذمہ داری قبول کرتی ہے۔
