حب سے اطلاعات کے مطابق پاکستانی فورسز اور خفیہ اداروں نے پروفیسر شفیق زہری کو حراست میں لینے کے بعد جبری لاپتہ کر دیا ہے۔
ذرائع کے مطابق شفیق زہری، جو 2018 سے جبری لاپتہ بلوچ کارکن راشد حسین بلوچ کے بڑے بھائی اور بلوچ یکجہتی کمیٹی کی رہنما ماہ زیب بلوچ کے والد ہیں، کو آج دوپہر حب چوکی میں سیوک سینٹر سے اس وقت اغوا کیا گیا جب وہ اپنے کام پر وہاں موجود تھے۔
شفیق زہری زہری کالج میں پولیٹیکل سائنس کے پروفیسر ہیں، اور وہ 2013 میں بھی جبری گمشدگی کا نشانہ بن چکے ہیں۔
شفیق زہری کے بھائی راشد حسین کو سات سال قبل متحدہ عرب امارات سے جبری حراست کے بعد پاکستان منتقل کیا گیا تھا، جس کے بعد سے وہ منظرِ عام پر نہیں آ سکے ہیں۔
