بلوچستان کے مختلف علاقوں میں آج صبح سلسلہ وار حملے جاری ہیں۔ یہ حملے کئی شہروں اور اضلاع میں کیے جارہے ہیں۔
ضلع کیچ کے علاقے ہوشاب، تجابان میں پاکستانی فورسز کے قافلے کو نامعلوم افراد نے آئی ای ڈی دھماکے میں نشانہ بنایا، جس کے بعد گھات لگائے مسلح افراد قافلے پر حملہ کیا۔
ذرائع کے مطابق اس واقعے میں دو گاڑیاں مکمل طور پر تباہ ہو گئی ہیں اور اہلکار ہلاک و زخمی ہوئے ہیں۔ آخری اطلاعات تک علاقے میں مرکزی اب بھی مسلح افراد کے کنٹرول میں ہے۔
بلیدہ میں پاکستانی فورسز کے چیک پوسٹ پر بھی مسلح حملہ ہوا۔ فائرنگ اور دھماکوں کی اطلاعات موصول ہوئی ہیں، تاہم ہلاکتوں کی تصدیق ابھی تک نہیں ہو سکی۔
تربت کے علاقے گِنّہ میں پاکستانی فورسز کی ایک اور چیک پوسٹ کو مسلح افراد نے نشانہ بنایا۔ حملہ آوروں نے زُبیدہ جلال روڈ پر بھی روڈ چیک پوائنٹس قائم کر دی ہے۔
خاران میں ایک دھماکے کی بھی اطلاع ملی ہے۔
وہاں کوئٹہ کے کچی بیگ علاقے میں نامعلوم افراد نے پولیس گاڑی پر دستی بم سے حملہ کیا۔
پولیس حکام کا کہنا ہے کہ واقعے میں کوئی جانی نقصان نہیں ہوا، لیکن گاڑی کو نقصان پہنچا ہے۔
آج صبح سے شروع ہونے والے حملوں کی ذمہ داری تاحال کسی نے قبول نہیں کی ہے۔
