بلوچستان کے ضلع خاران کے علاقے داشتکین میں نامعلوم مسلح موٹرسائیکل سواروں نے نادر ولد الہی بخش محمد حسنی کو اغوا کر لیا ہے۔
مقامی ذرائع کے مطابق اغوا ہونے والا شخص مبینہ طور پر ریاستی حمایت یافتہ مسلح گروہ، جسے عام طور پر “ڈیتھ اسکواڈ” کہا جاتا ہے، سے وابستہ تھا۔
تاحال کسی نے اس واقعے کی ذمہ داری قبول نہیں کی ہے۔
بلوچستان میں “ڈیتھ اسکواڈ” کے نام سے معروف گروہ ان افراد پر مشتمل بتائے جاتے ہیں جو قوم پرستوں کے خلاف کارروائیوں میں شامل رہے ہیں۔ مختلف بلوچ قوم پرست حلقوں کا الزام ہے کہ یہ گروہ ریاستی اداروں کی حمایت سے سرگرم عمل ہیں اور بلوچ قوم پرستوں کے خلاف کارروائیاں کرتے ہیں۔
حالیہ برسوں میں بلوچ آزادی پسند تنظیموں نے متعدد بار ان گروہوں کو نشانہ بنایا ہے، جن میں کئی افراد ہلاک یا زخمی ہو چکے ہیں۔
