بلوچستان کے صنعتی شہر حب چوکی سے پاکستانی فورسز نے لڑکی کو حراست میں لے کر نامعلوم مقام منتقل کردیا ۔
تفصیلات کے مطابق 22 نومبر 2025 کی رات تقریباً 12 بجے، پاکستانی فورسز اور خفیہ اداروں کے اہلکاروں نے حب چوکی کے علاقے دارو ہوٹل میں ایک گھر پر چھاپہ مارا ، اور 15 سالہ لڑکی نسرینہ دختر دلئور بلوچ ساکن آواران کو زبردستی حراست میں لینے کے بعد جبری طور پر لاپتہ کردیا ہے ۔
واضح رہے کہ بلوچستان میں پاکستانی فورسز کے ہاتھوں خواتین کی جبری گمشدگیوں کے کیسز پہلے بھی سامنے آتے رہے ہیں ۔
پانچ مہینے قبل کوئٹہ سے ماہ جبین کو پاکستانی فورسز نے تحویل میں لے کر جبری لاپتہ کیا ہے اور ابتک منظر عام پر نہیں آسکیں۔
