بلوچستان کے ضلع کیچ کے علاقے کولواہ، ڈنڈار میں پاکستانی فورسز کے اہلکاروں کو دھماکے میں نشانہ بنایا گیا ہے۔
ابتدائی اطلاعات کے مطابق دھماکہ اس وقت ہوا جب کم از کم نو اہلکار ایک ہی مقام پر موجود تھے۔
علاقائی ذرائع کے مطابق دھماکے کے فوراً بعد علاقے میں فوجی ہیلی کاپٹروں آمد و رفت دیکھی گئی۔
سرکاری ذرائع نے حملے کی تصدیق کرتے ہوئے بتایا ہے کہ ایک اہلکار ہلاک اور متعدد زخمی ہوئے ہیں۔ تاہم، مقامی ذرائع کا کہنا ہے کہ ہلاکتوں کی تعداد اس سے زیادہ ہو سکتی ہے۔
تاحال کسی نے حملے کی ذمہ داری قبول نہیں کی ہے۔ ماضی میں پاکستانی فوج پر ہونے والے حملوں کی ذمہ داری بلوچ آزادی پسند مسلح تنظیمیں قبول کرتی رہی ہیں۔
