بلوچستان کے ضلع کیچ کے علاقے تگران میں پاکستانی فورسز نے ایک شخص کو حراست میں لینے کے بعد جبری طور پر لاپتہ کردیا ہے۔ جسکی شناخت غلام سرور داد محمد کے نام سے ہوئی ہے۔
عینی شاہدین اور مقامی ذرائع مطابق، یہ واقعہ 9 ستمبر کو پیش آیا جب فورسز نے تگران میں گھر پر چھاپہ مارا۔ اس دوران غلام سرور کو گھر سے حراست میں لیا گیا۔
اہلِ خانہ کا کہنا ہے کہ حراست کے بعد سے ان کا کوئی پتہ نہیں چل سکا اور نہ ہی حکام نے ان کی گرفتاری کی باضابطہ تصدیق کی ہے۔
غلام سرور کے اہلِ خانہ نے حکام سے مطالبہ کیا ہے کہ ان کی فوری بازیابی کو یقینی بنایا جائے اور اگر ان پر کوئی الزام ہے تو انہیں عدالت کے سامنے پیش کیا جائے۔
