پاکستانی فورسز کے ہاتھوں جبری لاپتہ مہر گل مری کی طویل جبری گمشدگی کے خلاف اتوار کے روز ان کے لواحقین نے کوئٹہ پریس کلب کے سامنے دھرنا دے کر اپنا احتجاج ریکارڈ کیا اور مہر گل مری کی بحفاظت بازیابی کا مطالبہ کیا۔
لواحقین نے کہاکہ مہر گل مری کئی سالوں سے لاپتہ ہیں جسکی وجہ سے پورا خاندان اذیت ناک زندگی گزار رہا ہے ۔
واضح رہے کہ مہر گل مری ڈپٹی ڈائریکٹر زراعت تھے جنہیں 2015 کو جبری طور پر لاپتہ کیا گیا جو تاحال لاپتہ ہے، ان کے لواحقین کا کہنا ہے کہ مہر گل مری کو پاکستانی فورسز و خفیہ اداروں کے اہلکاروں نے لاپتہ کیا ہے۔
علاوہ ازیں بلوچستان میں جبری گمشدگیوں کے خلاف وائس فار بلوچ مسنگ پرسنز کے قائم احتجاجی کیمپ کو کوئٹہ پریس کلب کے سامنے 5939 دن مکمل ہوگئے۔ اس موقع پر جبری لاپتہ بلوچ خاندانوں نے پیاروں کے بازیابی کا مطالبہ کیا ۔
