بلوچستان کے ضلع کیچ کے تحصل بلیدہ کے علاقے گردانک میں پاکستانی فورسز نے ایک مقامی دکاندار کو حراست میں لے کر نامعلوم مقام پر منتقل کردیا۔
پاکستانی فورسز کے ہاتھوں حراست بعد ازاں جبری لاپتہ ہونے والے دکاندار کی شناخت شیر علی ولد وشی کے نام سے ہوا ہے۔
جبری لاپتہ شیر علی کے لواحقین نے انکی جبری گمشدگی کی تصدیق کرتے ہوئے انکی بحفاظت بازیابی کا مطالبہ کیا ہے۔
واضح رہے کہ بلیدہ میں رواں مہینے ابتک پاکستانی فورسز کے ہاتھوں جبری لاپتہ کرنے والے چار کے قریب افراد کی لاشیں برآمد ہوئی ہیں، بلوچستان سے لاپتہ افراد کے لواحقین ان حراستی قتل پر تشویش کا اظہار کرتے ہوئے پیاروں کی بحفاظت بازیابی کا مطالبہ کررہے ہیں۔
