بلوچستان کے ساحلی شہر گوادر میں پاکستانی فورسز نے بلیدہ کے رہائشی ایک نوجوان کو حراست میں لینے کے بعد جبری طور پر لاپتہ کر دیا ہے۔
لاپتہ ہونے والے نوجوان کی شناخت پزیر ولد حاجی ناصر کے نام سے ہوئی ہے، جو ضلع کیچ کے علاقے بلیدہ کے رہائشی ہیں۔ انہیں پاکستانی فورسز نے گوادر سے 9 اگست کو گرفتار کیا اور نامعلوم مقام پر منتقل کر دیا۔ حراست کے بعد سے ان کے بارے میں کوئی اطلاع سامنے نہیں آئی۔
مقامی ذرائع کا کہنا ہے کہ پزیر تیل کے کاروبار سے وابستہ تھے اور جیونی میں تیل کی ترسیل کے لیے بطور ڈرائیور کام کر رہے تھے۔
