بلوچستان کے ضلع کیچ کے علاقے تمپ میں ایک رہائشی مکان پر دستی بم حملے کے نتیجے میں ایک خاتون زخمی ہوگئیں۔
ذرائع کے مطابق گزشتہ شب نامعلوم مسلح افراد نے سریکن میں سید محمد نامی شخص کے گھر پر دستی بم پھینکا، جو زور دار دھماکے سے پھٹ گیا۔ دھماکے کے باعث گھر میں موجود ایک خاتون زخمی ہوگئیں، جنہیں طبی امداد کے لیے قریبی اسپتال منتقل کردیا گیا۔
علاقائی ذرائع کا کہنا ہے کہ حملہ آور سرکاری حمایت یافتہ مسلح گروہ “ڈیتھ اسکواڈ” سے تعلق رکھتے تھے۔
واضح رہے کہ اس سے قبل بھی تربت اور گرد و نواح میں سرکاری حمایت گرہوں کی جانب سے گھروں پر اسی نوعیت کے حملے ہو چکے ہیں جن میں خواتین اور بچوں سمیت متعدد زخمی ہوئے تھے۔
