بلوچ یکجہتی کمیٹی کے رہنماء سمی دین بلوچ نے کہا ہے کہ میر یوسف قلندرانی کو 17 اگست کو کراچی سے سیکیورٹی فورسز نے جبراً لاپتہ کر دیا۔
انہوں نے کہا کہ یوسف قلندرانی کے تین بھائی پہلے ہی2011 سے درجنوں دیگر رشتہ داروں کے ساتھ جبری گمشدگی کا شکار ہیں، اور آج تک یہ معلوم نہیں کہ وہ کہاں ہیں اور کس حال میں رکھے گئے ہیں۔
سمی دین کا کہنا ہے کہ ریاستی جبر، بلوچ نسل کشی اور جبری گمشدگیوں نے بلوچستان کے کسی گھر کو محفوظ نہیں چھوڑا المیہ یہ ہے کہ جن گھروں نے گزشتہ چودہ برسوں سے اپنے گمشدہ پیاروں کی بازیابی کی راہ تکنے میں زندگیاں گزار دی ہیں، انہیں انصاف نہیں ملتا، بلکہ انہی گھروں کے مزید افراد کو بھی جبری طور پر گمشدہ کر دیا جاتا ہے۔
انہوں نے آخر میں سوال کیا کہ اگر یہ نسل کشی اور استعماریت نہیں ہے، تو پھر اور کیا ہے؟
