حق دو تحریک بلوچستان کے مرکزی آفس سے جاری بیان میں کہا گیا کہ گھٹی ڈھور کے ایک رہائشی سلام حیدر کو تین دن پہلے ان کے گھر سے پاکستانی فورسز اٹھا کر شدید تشدد کا نشانہ بنا کر ہلاک کیا گیا اور مقتول کی تابوت میں بند لاش گزشتہ شب لواحقین کے حوالے کرکے تابوت تک کھولنے نہیں دیا گیا اور بغیر تابوت کھولے گزشتہ شب دو بجے زبردستی دفن کروایا گیا۔
بیان میں اس غیرانسانی عمل کی شدید مذمت کرتے ہوئے کہا گیا کہ یہ عمل نہ صرف ظلم و جبر کی بدترین مثال ہے بلکہ انسانی حقوق کی بھی توہین ہے جس سے ثابت ہوتا ہے ریاستی ادارے نہ ملکی قانون کو مانتے ہیں اور نہ انسانیت سے ان کا کوئی واسطہ ہے جس کی وجہ ظلم و جبر کا بازار گرم ہے۔
بیان میں کہا گیا کہ جبری گمشدگی اور ظلم و جبر کے خاتمے تک ان کے خلاف مزاحمت جاری رہے گا اور اگر یہ ظلم و ستم بند نہیں ہوا تو عوامی ردعمل کا نہ ختم ہونے والا سلسلہ شروع ہوگا۔
