کوئٹہ سے پاکستانی فورسز اور خفیہ اداروں نے بلوچستان یونیورسٹی کی ایک طالبہ کو حراست میں لینے کے بعد نامعلوم مقام پر منتقل کر دیا ہے۔
جبری طور پر لاپتہ کی جانے والی خاتون کی شناخت ماجبین بنت غلام مصطفیٰ کے نام سے ہوئی ہے، جو ضلع واشک کے علاقے بسمیہ کی رہائشی ہیں۔ ماجبین بلوچستان یونیورسٹی میں بی ایس لائبریری سائنس کی طالبہ ہیں۔
ذرائع کے مطابق، ماجبین کو کل رات تین بجے کوئٹہ سے فورسز نے حراست میں لیا اور بعد ازاں لاپتہ کر دیا۔ ان کے اہلِ خانہ کو تاحال ان کی موجودہ حالت یا مقام کے بارے میں کوئی اطلاع موصول نہیں ہوئی۔
