بلوچستان کے ضلع مستونگ میں جمعرات کے روز نامعلوم مسلح افراد نے کرومائیٹ لے جانے والے دو ٹرکوں پر فائرنگ کر دی۔ واقعہ مستونگ کے علاقے چوتو کے مقام پر پیش آیا۔
حملے میں کسی جانی نقصان کی اطلاع نہیں ملی ہے تاہم ٹرکوں کو نقصان پہنچا ہے۔
تاحال کسی نے اس حملے کی ذمہ داری قبول نہیں کی، تاہم ماضی میں بلوچ مسلح تنظیمیں معدنیات لے جانے والی گاڑیوں کو نشانہ بناتی رہی ہیں۔
ان تنظیموں کا مؤقف رہا ہے کہ بلوچستان کی معدنی دولت کو بلوچوں کے مفاد کے بغیر استعمال کیا جا رہا ہے، اور ان کے مطابق یہ بلوچوں کی استحصال کے مترادف ہے۔
