بی وائی سی کی جانب سے بلوچستان کے مختلف علاقوں میں احتجاجی مظاہروں و ریلیوں کا سلسلہ جاری ہے۔
بلوچ یکجہتی کمیٹی چاغی زون کی جانب سے ماوراۓ عدالت قتل اور جبری گمشدگیوں کے واقعات میں تشویشناک اضافہ ڈاکٹر مارنگ سمیت تنظیم کی قیادت کی غیر قانونی حراست کے خلاف دالبندین میں ریلی نکالی گئی اور احتجاج ریکارڈ کرایا گیا۔
بی وائی سی رخشان ریجن کی جانب سے منعقد کردہ یے ریلی برف بائی پاس تا شہید حمید چوک تک نکالی گئی، جس میں شہریوں کی بڑی تعداد جن میں خواتین اور بچے شامل تھے شریک ہوئے۔
قیادت کی گرفتاری و عدم رہائی سمیت بلوچستان میں ریاستی تشدد اور جبری گمشدگیوں کے خلاف بلوچ یکجہتی کمیٹی کی جانب سے بلوچستان کے مختلف علاقوں میں ریلیوں اور احتجاجی مظاہروں کا انعقاد کیا جارہا ہے۔
بی وائی سی کے مطابق اسی سلسلے میں کل 23 مئی کو بلوچ یکجہتی کمیٹی جھالاوان ریجن کی جانب سے خضدار میں احتجاجی ریلی اور مظاہرہ کیا جائے گا۔
تنظیم کے مطابق یہ مظاہرے بی وائی سی کی اس وسیع تر احتجاجی مہم کا حصہ ہیں جس کا مقصد بلوچستان میں جاری ریاستی مظالم بشمول جبری گمشدگیاں اور ماورائے عدالت اقدامات کے خلاف عوامی شعور اجاگر کرنا ہے، اس سے قبل تربت، مستونگ، خاران، نوشکی کوئٹہ، پنجگور اور حب چوکی میں اسی نوعیت کے مظاہرے اور ریلیاں نکالی جا چکی ہیں۔
مزید بوسان بی وائی سی نے واضح کیا ہے کہ ان کی پرامن احتجاجی تحریک اس وقت تک جاری رہے گی جب تک جبری طور پر لاپتہ افراد بازیاب نہیں ہو جاتے، گرفتار رہنماؤں کو انصاف فراہم نہیں کیا جاتا اور بلوچستان میں ریاستی اداروں کی زیادتیوں کا خاتمہ نہیں ہو جاتا۔
