بلوچستان کے ضلع قلات میں گذشتہ شب مسلح افراد کی بڑی تعداد نے پاکستانی فوج کے ایک کیمپ کو بڑی نوعیت کے حملے میں نشانہ بنایا ہے۔
یہ حملہ قلات کے علاقے شیخڑی، مورگند میں کیا گیا جہاں فورسز کے مرکزی کیمپ کو حملے میں نشانہ بنایا گیا۔
علاقائی ذرائع کے مطابق گذشتہ شب گیارہ بجے سے صبح چار بجے تک علاقے میں شدید فائرنگ اور دھماکوں کی آواز سنی گئی۔ اس دوران ہیلی کاپٹروں اور ڈرونز کی پروازیں جاری رہی۔
حملے میں پاکستانی فورسز کو بڑے پیمانے پر نقصانات اٹھانے کی اطلاعات ہیں تاہم حکام نے تاحال اس حوالے سے کوئی تفصیلات فراہم نہیں کی ہے۔
