بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ بیان میں کہا ہے کہ انیس مئی 2025 کی رات 8 بجکر 40 منٹ پر بلوچستان لبریشن فرنٹ کے سرمچاروں نے تنظیمی خفیہ اطلاع پر خضدار کے علاقہ نورگامہ، زہری میں خالد لاشاری ولد مولا بخش سکنہ زہری کو فائرنگ کر کے ہلاک کر دیا۔
انہوں نے کہا کہ واضح رہے کہ مقتول خالد کا تعلق جہلاوان میں قابض پاکستانی فوج کے مرکزی آلہ کار شفیق احمد مینگل کے ڈیتھ اسکواڈ سے تھا جو خضدار اور گردونواح میں بلوچ نوجوانوں کی جبری گمشدگیوں اور بلوچ نسل کشی میں باقاعدگی سے سرگرم رہا ہے۔ جس کی وجہ سے سرمچاروں نے تنظیمی فیصلے کے تحت یہ کارروائی سرانجام دے کر مجرم کو کیفر کردار تک پہنچایا۔
ترجمان نے کہا کہ بلوچستان لبریشن فرنٹ خالد لاشاری کو ہلاک کرنے کی ذمہ داری قبول کرتی ہے اور ڈیتھ اسکواڈز میں سرگرم عناصر کیلئے اعلان کرتی ہے کہ اگر ان میں سے کوئی کارندہ بلوچستان لبریشن فرنٹ کے علاقائی ذمہ داروں سے رابطہ کرکے اپنی غلطیوں کا اعتراف کرے اور آئندہ کیلئے دشمن کے ساتھ اپنی وابستگی اور دلالی ختم کرنے کا وعدہ کرکے اپنے وعدے پر قائم رہنے کیلئے کوئی بھی ضمانت فراہم کرے تو بی ایل ایف اسے معاف کرکے اس کی غلطی سدھارنے اور نارمل زندگی گزارنے کا پورا موقع دے دے گا بصورت دیگر انہیں نشانہ بنایا جائے گا۔
