بلوچستان کے ضلع خاران میں واقع باب خاران کے قریب نامعلوم مسلح افراد نے ڈی آئی جی پولیس آفس کمپلیکس پر حملہ کر دیا۔
ذرائع کے مطابق کمپلیکس پر جاری تعمیراتی کام کے دوران حملہ کیا گیا، جس کے نتیجے میں ایک پولیس اہلکار زخمی ہو گیا۔
زخمی پولیس اہلکار کی شناخت عبدالقیوم ولد محمد حنیف سکنہ نوشکی کے طور پر ہوئی ہے، جسے طبی امداد فراہم کی جا رہی ہے۔
حملے کے بعد مسلح افراد نے پولیس اہلکاروں سے سرکاری اسلحہ بھی ضبط کر لیا اور موقع سے فرار ہو گئے۔
واقعے کے بعد فورسز نے علاقے کو گھیرے میں لے کر حملہ آوروں کی تلاش شروع کر دی ہے۔
