بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ بیان میں کہا کہ بی ایل ایف کے سرمچاروں نے 21 مئی 2025 کی دوپہر ایک بجے کے قریب بلیدہ تا زمران زیر تعمیر سڑک کے کام کی حفاظت پر مامور قابض فورسز کے قافلے میں دو موٹر سائیکلوں کو آئی ای ڈی بم حملے میں نشانہ بنایا جس کے نتیجے میں ایک موٹر سائیکل تباہ اور دو اہلکار موقع پر ہی ہلاک ہوگئے۔
انہوں نے کہا کہ بلوچستان لبریشن فرنٹ بلیدہ میں قابض پاکستانی فوج پر بم حملے کی ذمہ داری قبول کرتی ہے اور بلیدہ تا زامران سڑک کی تعمیر کرنے والے ٹھیکیدار کو خبردار کرتی ہے کہ وہ فوج کے نقل و حرکت آسان بنانے کی غرض سے زیر تعمیر اس استحصالی سڑک کی تعمیر بند کرے بصورت دیگر تعمیراتی مشینریز اور کام کرنے والے اہلکاروں کو نشانہ بنایا جائے گا۔
