بلوچستان لبریشن فرنٹ کے ترجمان میجر گہرام بلوچ نے ایک بیان جاری کرتے ہوئے کہا ہے کہ بی ایل ایف کے سرمچاروں نے خاران شہر میں گواش روڈ پر قابض پاکستانی فوج کی چیک پوسٹ پر آر پی جی کے متعدد گولے فائر کیے جو کیمپ کے اندر ہدف پر گرے۔ حملے کے دوران دشمن فوج نے آبادی پر اندھا دھند فائرنگ کی، جبکہ سرمچاروں نے عین اہداف کو نشانہ بنایا اور دشمن فوج کو جانی و مالی نقصان پہنچایا۔
انہوں نے کہا کہ ایک اور کاروائی میں سرمچاروں نے کولواہ، ساجدی بازار میں نصب مواصلاتی نظام اور مشینری کو نشانہ بناکر نقصان پہنچایا۔
ترجمان نے کہا کہ بلوچستان لبریشن فرنٹ خاران میں قابض فوج پر حملے اور کولواہ میں مواصلاتی نظام اور مشینری کو نقصان پہنچانے کی ذمہ داری قبول کرتی ہے۔
