پنجگور کے علاقے سیدان میں گھریلو تنازع پر نشے کے عادی داماد نے اپنے سسر کو معمولی تکرار کے بعد فائرنگ کر کے قتل کر دیا۔
لیویز ذرائع کے مطابق ملزم محمد شریف، جو منشیات کا عادی ہے، اپنے سسر مراد بخش ولد عرض محمد سے کسی بات پر جھگڑا ہوا۔ تکرار شدت اختیار کر گئی جس پر ملزم نے طیش میں آ کر فائرنگ کی، جس کے نتیجے میں مراد بخش موقع پر ہی ہلاک ہوگیا۔
واقعے کے بعد ملزم جائے وقوعہ سے فرار ہونے میں کامیاب ہو گیا۔ اطلاع ملنے پر لیویز اہلکار موقع پر پہنچ گئے اور لاش کو ضابطے کی کارروائی کے بعد ورثاء کے حوالے کر دیا۔
