بلوچستان کے ضلع نوشکی میں پاکستانی فورسز کے اہلکاروں پر حملے کی اطلاع موصول ہوئی ہے۔
اطلاعات کے مطابق حملے کے نتیجے میں دو اہلکار، میاں خان اور نصیب اللہ، ہلاک ہوگئے ہیں۔
واقعہ جمعرات کی دوپہر کو پیش آیا، جب نامعلوم حملہ آوروں نے فورسز کے اہلکاروں کو نشانہ بنایا۔
حملے میں دونوں زخمی ہوگئے تھے جنہیں زخمی حالت میں اسپتال منتقل کردیا گیا جہاں دونوں زخموں کی تاب نہ لاتے ہوئے چل بسے۔
تاحال واقعے کی ذمہ داری کسی نے قبول نہیں کی، اور نہ ہی حکام کی جانب سے کسی قسم کا بیان جاری کیا گیا ہے۔
