بلوچستان کے ضلع مستونگ علاقے کلی تیری میں پولیو ٹیم کی حفاظت پر مامور لیویز فورس کے اہلکاروں پر نامعلوم مسلح افراد کا حملہ، جس کے نتیجے میں دو اہلکار ہلاک ہوگئے۔
لیویز ذرائع کے مطابق فائرنگ سے ہلاک ہونے والے اہلکاروں کی لاشوں کو اسپتال منتقل کر دیا گیا۔ جبکہ سیکیورٹی فورسز نے علاقے کو گھیرے میں لے کر حملہ آوروں کی تلاش شروع کر دی ہے۔
ہلاک اہلکاروں کی شناخت نیک محمد ولد محمد حسن شاہوانی سکنہ رودریس اور مقصود احمد ولد حبیب خان دہوار، سکنہ کاریز کلان، پڑنگ آباد مستونگ کے طور پر ہوئی ہے۔
