بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ بیان میں کہا ہے کہ بی ایل ایف کی تحقیقاتی ٹیم کی تفتیش اور نشاندہی کے بعد سرمچاروں نے دو ریاستی مخبروں، امان ولد بیبگر اور عدنان ولد واحد بخش، کو گرفتار کر کے تنظیمی عدالت میں پیش کیا۔ یہ دونوں طویل عرصے سے قومی مجرم کے طور پر تنظیم کو مطلوب تھے اور ریاستی خفیہ اداروں، خصوصاً ایم آئی، کے مقامی ڈیتھ اسکواڈ کے سرغنہ سعید ولد تحصیلدار عابد کی سرپرستی میں کام کر رہے تھے۔
انہوں نے کہا کہ دورانِ حراست، دونوں مجرموں نے اپنے جرائم کا اعتراف کیا۔ امان ولد بیبگر نے اعتراف کیا کہ وہ تمپ کے علاقوں دازن، گومازی، اور آزیان سمیت دیگر علاقوں میں بلوچ نوجوانوں کی جبری گمشدگی اور شہادت میں براہِ راست ملوث تھا، جبکہ عدنان ولد واحد بخش نے قابض فوج کے خونی آپریشنوں، چھاپوں، لوٹ مار، چوری اور سماجی برائیوں میں شمولیت کا اعتراف کیا۔ دونوں مجرموں نے کئی دیگر ریاستی مخبروں کے نام بھی افشا کیے، جنہیں جلد سزا دی جائے گی۔
ترجمان نے کہا کہ مکمل تحقیقات، اعترافات اور ثبوتوں کی بنیاد پر تنظیمی عدالت نے دونوں مجرموں کو سزائے موت سنائی، جس پر 29 مارچ اور 5 فروری 2025 کو عملدرآمد کیا گیا۔ سرمچاروں نے عدالتی فیصلے پر عمل کرتے ہوئے امان کو 29 مارچ 2025 اور عدنان کو 5 فروری 2025 کو فائرنگ کر کے ہلاک کر دیا۔ ان کے اعترافی ویڈیوز تنظیم کے ریکارڈ کا حصہ ہیں اور ضرورت پڑنے پر عوام کے سامنے پیش کیے جائیں گے۔
انہوں نے کہا کہ ایک اور کاروائی میں سرمچاروں نے 4 فروری 2025 کو ریاستی مخبر فہد ولد مجید سکنہ تمپ کوہاڈ کو مند کے علاقے ریک بازار میں فائرنگ کر کے ہلاک کر دیا اور ان کی گاڑی سمیت دیگر سامان ضبط کر لیا۔
ترجمان نے مزید کہا کہ فہد کئی عرصے سے علاقائی ڈیتھ اسکواڈ کے سربراہ سعید ولد تحصیلدار عابد کی پشت پناہی میں کام کر رہا تھا اور بلوچ جہدکاروں کی فیملیز کو ہراساں کرنے، انہیں تشدد کا نشانہ بنانے، ان کے گھروں کو نذر آتش کرنے، گھروں سے قیمتی سامانوں کی چوری کرنے اور بلوچ نوجوانوں کو جبری طور پر لاپتہ کرنے میں براہِ راست ملوث تھا۔ تنظیم کی جانب سے اسے کئی بار تنبیہ کی گئی، تاہم وہ اپنے جرائم سے باز نہ آیا، جس پر سرمچاروں نے تنظیمی فیصلے کے تحت اسے فائرنگ کر کے ہلاک کر دیا۔
انہوں نے کہا کہ بلوچستان لبریشن فرنٹ واضح کرتی ہے کہ وہ قابض ریاستی فورسز کے مقامی آلہ کاروں کو کسی صورت معاف نہیں کرے گی۔ تنظیم ان تمام افراد کو خبردار کرتی ہے جو دشمن کے مقاصد کا حصہ بن کر قومی تحریک کے خلاف سرگرم ہیں کہ ان کا احتساب ضرور کیا جائے گا۔ بی ایل ایف اہلِ علاقہ سے مطالبہ کرتی ہے کہ وہ ریاستی ایجنٹوں سے تمام تعلقات ختم کریں، کیونکہ وہ کسی بھی وقت سرمچاروں کے نشانے پر ہو سکتے ہیں۔
