عیدالفطر کے روز بلوچستان کے علاقے خاران اور ماشکیل میں بلوچ یکجہتی کمیٹی کی اپیل پر مرکزی قیادت کی گرفتاریوں کے خلاف احتجاج کے پاداش میں متعدد کارکنوں کے خلاف ایف آئی آر درج کیا گیا ہے ۔
ماشلیل میں سترہ کارکنوں پر ایف آئی آر جبکہ ساتھ کو گرفتار کیا گیا ہے ۔
خاران میں بلوچ یکجہتی کمیٹی کے خواتین کارکن حاکمین بلوچ زرمینہ بلوچ اور عزیز اکرم اور دیگر کے خلاف سڑک بند کرنے کی مقدمہ درج کیا گیا ہے ۔ تاہم کارکنوں نے بوگس مقدمات کو مسترد کرتے ہوئے کہاکہ پرامن احتجاج کے پاداش میں گرفتاریاں اور ایف آئی آر درج کرنے کا مقصد جبر کے خلاف بلوچ آواز کو دبانا ہے ۔ لیکن ہم پرامن احتجاج اور سیاسی مزاحمت کے ذریعے بلوچ نسل کشی کے خلاف جدوجہد جاری رکھیں گئے ۔
