بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ بیان میں کہا ہے کہ بی ایل ایف کے سرمچاروں نے 06 اپریل کی رات 9:00 بجے، تمپ کے علاقے آسیاباد میں قائم قابض پاکستانی فورسز کی چیک پوسٹ پر گرنیڈ لانچر کے متعدد گولے داغے، جو اپنے اہداف پر لگے۔ اس حملے کے نتیجے میں قابض فورسز کو جانی اور مالی نقصانات کا سامنا کرنا پڑا۔
انہوں نے کہا کہ ایک اور حملے میں 06 اپریل شام 9 بجے بی ایل ایف کے سرمچاروں نے خاران شہر میں جوژان کے مقام پر قائم قابض پاکستانی فورسز کے چیک پوسٹ پر دستی بم سے حملہ کیا جس سے فورسز کو جزوی نقصان پہنچا۔
ترجمان نے کہا کہ بی ایل ایف تمپ اور خاران میں ان حملوں کی ذمہ داری قبول کرتی ہے اور بلوچستان کی آزادی تک اپنے حملے جاری رکھنے کے عزم کا اعادہ کرتی ہے۔
