سینئر وکیل اور جے یو آئی کے رہنما کامران مرتضیٰ نے ہائیکورٹ میں میڈیا سے بات کرتے ہوئے کہا کہ “بہت تیزی سے سرفراز بگٹی کے ہاتھ سے گیم نکل رہی ہے۔
انہوں نے کہا کہ ہر مسئلے کا حل بات چیت میں ہے اور انہوں نے ماہ رنگ کے بارے میں اپنی تجویز دی تھی، لیکن بدقسمتی سے اس تجویز کو قبول نہیں کیا گیا۔
کامران مرتضیٰ نے موجودہ صورتحال پر تبصرہ کرتے ہوئے کہا کہ “سب سے زیادہ نقصان سرفراز بگٹی کو ہوگا اور ان کی وزیر اعلیٰ شپ اور صوبے کی سیاست ہاتھ سے نکل جائے گی۔
انہوں نے مزید کہا کہ “ہم سردار اختر مینگل کی حمایت کرتے ہیں” اور حکومت کو مشورہ دیا کہ اب بھی وقت ہے کہ حالات کو سمجھ کر صورتحال بہتر کی جائے۔
کامران مرتضیٰ نے سرفراز بگٹی کو تنبیہ کرتے ہوئے کہا کہ “اب بہتر ہے کہ سرفراز بگٹی حالات کو سمجھ کر سنبھل جائے، ورنہ وہ اناڑی ثابت ہوں گے۔
