بلوچ یکجہتی کمیٹی کے مرکزی رہنما بیبرگ بلوچ کی حالت بھوک ہڑتال کے تیسرے روز تشویشناک حد تک بگڑ گئی ہے۔ وہ گزشتہ ایک ماہ سے زائد عرصے سے حراست میں ہیں۔ گرفتاری سے قبل وہ پہلے ہی فالج کا شکار تھے، اور اب مسلسل بھوک ہڑتال کے باعث ان کی طبیعت شدید بگڑ چکی ہے۔
آج بیبرگ بلوچ سے ملاقات کرنے والے اہل خانہ کے مطابق وہ شدید ہائپو ٹینشن (بلڈ پریشر میں خطرناک حد تک کمی) اور بارہا بے ہوشی کا شکار ہو رہے ہیں۔ ان کی جسمانی حالت تیزی سے بگڑ رہی ہے اور فی الفور طبی امداد اور ہسپتال منتقلی کی ضرورت ہے۔ باوجود اس کے، پولیس حکام انہیں ہسپتال منتقل کرنے سے انکار کر رہے ہیں، جس کے باعث ان کی زندگی کو سنگین خطرات لاحق ہو چکے ہیں۔
انہوں نے کہاکہ ہم ریاست کو خبردار کرتے ہیں کہ بیبرگ بلوچ کو درپیش کسی بھی قسم کے جسمانی نقصان یا ان کی زندگی کو لاحق کسی بھی خطرے کی تمام تر ذمہ داری ریاستی اداروں پر عائد ہوگی۔
