بھارت کے حکمران جماعت بی جے پی کی آسام کے وزیر اعلیٰ حمانتا بسما سارما نے سوشل میڈیا ایکس پر ایک بیان جاری کرتے ہوئے کہا ہے کہ بلوچستان کی آزادی کی تحریک جڑیں 1947-1948 کے پُرآشوب واقعات میں موجود ہیں، جب ریاست قلات، جو آج کے بیشتر بلوچستان پر مشتمل تھی، برطانوی نوآبادیاتی حکمرانی کے خاتمے کے بعد اپنی خودمختاری برقرار رکھنے کی کوشش کر رہی تھی۔ خودمختاری کے ابتدائی مذاکرات کے باوجود، اس خطے کو مارچ 1948 میں زبردستی پاکستان میں شامل کر لیا گیا، جس سے بلوچ عوام میں گہری ناراضی نے جنم لیا۔
انہوں نے کہاکہ دہائیوں کے دوران، سیاسی محرومی، معاشی پسماندگی، اور ثقافتی دباؤ کے احساسات نے بار بار آزادی کی جہد مسلسل کو جنم دیا، خصوصاً 1958، 1962، 1973، اور 2000 کی دہائی کے اوائل میں۔ قدرتی وسائل سے مالا مال صوبے میں آباد ہونے کے باوجود، بلوچ عوام طویل عرصے سے ترقیاتی محرومی اور مرکزی حکومت کی مبینہ منظم استحصال کی شکایات کے ساتھ جدوجہد کرتے رہے ہیں۔ 2006 میں معزز قبائلی رہنما نواب اکبر بگٹی کے قتل نے خاص طور پر ایک تکلیف دہ باب رقم کیا، جس نے خودارادیت اور انصاف کے مطالبات کو دوبارہ بھڑکا دیا۔ آج، بلوچستان کی تحریک ایک مقامی قوم کی عزت، حقوق اور اپنے مقدر پر اختیار حاصل کرنے کی دیرینہ خواہش کی علامت بن چکی ہے ۔
انہوں نے کہاکہ ایک ایسی جدوجہد جو بے پناہ قربانیوں، ثابت قدمی، اور آزادی کی ناقابل تسخیر روح سے عبارت ہے۔
