بلوچستان کے ضلع قلات میں پاکستانی فورسز پر حملے میں حکام کے مطابق میجر رینک کے آفیسر سمیت تین اہلکار زخمی اور دو ہلاک ہوئے ہیں۔
ہلاک اہلکاروں میں نائیک محمد شریف اور نائیک باقر شامل ہیں جبکہ زخمیوں میں میجر حیسب عالم، نائیک محمد ضیاء اللہ اور نائیک جاوید احمد شامل ہیں۔
خیال رہے کہ آج صبح قلات کے علاقے ہربوئی میں پاکستانی فورسز کے قافلے میں شامل گاڑی کو نامعلوم افراد نے بم دھماکے میں نشانہ بنایا ہے۔
گذشتہ روز بھی اسی علاقے میں بلوچ لبریشن آرمی نے موٹر سائیکلوں پر سوار پاکستانی فورسز کے اہلکاروں کو گھات لگاکر نشانہ بنایا۔ حملے کے نتیجے میں فورسز کے چار اہلکار ہلاک اور کم از کم چھ زخمی ہوئیں۔
بی ایل اے کی جانب سے گذشتہ روز ہونے والے حملے کی ویڈیو جاری کی گئی ہے جس میں ہلاک اہلکاروں اور قبضے میں لیئے گئے ان کا اسلحہ دکھایا گیا ہے۔
آج ہونے والے حملے کی ذمہ داری تاحال کسی نے قبول نہیں کی ہے۔
