کوئٹہ سے تعلق رکھنے والے نیشنل پارٹی کے سینئر رہنما غفار بلوچ نے کے مطابق آج میں اور بیبو بلوچ کی والدہ مریم بلوچ نے بیبو بلوچ سے ہدہ جیل میں ملاقات کی۔ بیبو نے کہا مجھے اپنے صحت و زندگی کی کوئی خاص پرواہ نہیں ہے تاہم مجھے اپنے لیڈر ڈاکٹر ماہ رنگ بلوچ کی سلامتی کی بہت تشویش ہے۔
غفار بلوچ کے مطابق بیبو نے انہیں بتایا کہ ڈاکٹر ماہ رنگ بلوچ بیمار ہیں انہیں مختلف طریقوں سے ہراساں کیاجارہا ہے۔ فرض شناس اور قانون پسند جیل اہلکاروں کا تبادلہ کیا جارہا ہے ۔ مشکوک اہلکاروں کی ڈیوٹی لگا دی گئی ہے اور کمرے کے باہر اردگرد کیمرے لگائے جائے جارہے ہیں ۔ خفیہ کیمروں سے نقل و حمل پر مانیٹرنگ اور مشکوک افراد لگانے پر کام کر رہے ہی۔ خوراک وغیرہ تبدیل کرنے کی کوشش کررہے ہیں، مشکوک حرکات و سکنات سے ڈاکٹر ماہ رنگ بلوچ کی زندگی کو شدید خطرات لاحق ہیں۔
بیبو بلوچ نے تمام انسان دوست، قوم دوست، وطن دوست عوام، انسانی حقوق کے تنظیموں سے اپیل کی ہے کہ ڈاکٹر ماہ رنگ بلوچ کی زندگی کو محفوظ بنانے اور کارکنوں کے رہائی کیلیے کردار ادا کریں۔
