بلوچ یکجہتی کمیٹی کے رہنما بیبرگ بلوچ کی طبیعت شدید تشدد کے باعث بگڑ گئی ہے۔
بیبرگ بلوچ کو تھانہ منتقل کردیا گیا جہاں انہیں طبی سہولیات بھی نہیں دی جارہی ہے۔ ان کے پاؤں سوجھ گئے ہیں جبکہ اسپیشل پرسن ہونے کے حوالے سے بھی سہولیات سے محروم کردیا گیا ہے۔
خیال رہے کہ 20 مارچ کی صبح تقریباً 5:30 بجے، پاکستانی فورسز نے کوئٹہ میں بیبرگ کے رہائش گاہ پر چھاپہ مارا، انہیں اور ان کے بھائی کو زبردستی حراست میں لے لیا۔
بیبرگ بلوچ کی بازیابی کے لئے بلوچ یکجہتی کمیٹی کی جانب سے احتجاج کا راستہ اپنایا گیا تو فورسز کی جانب سے مظاہرین پر فائرنگ کرکے تین افراد کو قتل کردیا، جبکہ ڈاکٹر ماہ رنگ، بییو سمیت متعدد کارکنوں کو گرفتار کرلیا گیا۔
