دبئی سے واپس آنے والے نوجوان کو پاکستانی خفیہ اداروں کے اہلکاروں نے ایئرپورٹ سے جبری لاپتہ کردیا۔
بلوچستان کے دارالحکومت کوئٹہ سے گذشتہ روز پاکستانی خفیہ اداروں کے اہلکاروں نے ایک نوجوان کو حراست میں لیکر نامعلوم مقام پر منتقل کردیا جس کے بعد ان کے حوالے سے کوئی معلومات نہیں مل سکی ہے۔
نوجوان کی شناخت فرید ولد محمد اعظم سکنہ زور آباد، نوشکی کے نام سے ہوئی ہے۔
اطلاعات کے مطابق مذکورہ نوجوان گذشتہ کئی سالوں سے دبئی میں محنت مزدوری کر کررہا تھا۔
مذکورہ نوجوان اتوار کی صبح دس بجے کے قریب دبئی سے کوئٹہ ایئرپورٹ پہنچا تو انہیں پاکستانی خفیہ اداروں کے اہلکاروں نے ایئرپورٹ کے اندر ہی جبری لاپتہ کردیا۔
