بلوچستان کے ضلع پنجگور سے پاکستانی فورسز نے دو افراد کو حراست میں لے کر لاپتہ کردیا ہے۔
تفصیلات کے مطابق پنجگور کے علاقے پروم میں آج مغرب کے وقت پاکستانی فورسز نے حیدر آباد کے مقام پر چھاپہ مارکر دو افراد کو حراست میں لیا ہے۔
لاپتہ ہونے والوں کی شناخت جمعہ ولد عیسی اور نظام ولد عرض محمد کے نام سے ہوئی ہے۔
علاقائی ذرائع کے مطابق پاکستانی فورسز نے چھاپہ کے وقت گھروں میں موجود دیگر افراد کو تشدد کا نشانہ بنایا ہے جبکہ اس دوران گھروں میں توڑ پھوڑ بھی کی گئی ہے۔
