تربت کے علاقے بہمن سے لاپتہ کیے گئے چار نوجوانوں کے اہل خانہ نے جدگال ڈن پر دھرنا دے کر M8 شاہراہ بلاک کردیا۔
بہمن سے لاپتہ کیے گئے راہل علی محمد، روشن علی محمد
نعیم بشیر اور آدم بلوچ کے اہل خانہ نے طویل گمشدگی کے ردعمل میں آج اتوار کو M8 شاہراہ پر دھرنا دے کر ٹریفک بلاک کردیا ہے۔
اہل خانہ کے مطابق ان چاروں نوجوانوں کو رات کی تاریکی میں گھروں سے أٹھا کر جبری لاپتہ کیا گیا جن کے بارے میں ہمیں کوئی معلومات نہیں دی جارہی ہے۔ اس سے قبل ہم نے ضلعی انتظامیہ سے ملاقات کی اور احتجاج بھی کیا مگر انہیں منظر عام پر نہیں لایا گیا۔
مظاہرین نے کہا کہ وہ. اس وقت جدگال ڈن (ڈی بلوچ پوائنٹ) پر ایم ایٹ شاہراہ نہیں کھولیں گے جب تک ہمارے چاروں لاپتہ نوجوانوں کو بازیاب نہیں کیا جاتا۔
انہوں نے اعلان کیا ہے اگر چاروں نوجوان بازیاب نہیں کیے گئے تو ہم شہر میں شٹرڈاؤن ہڑتال کی کال دیں گے اور پورا شہر. بند کریں گے۔
