بلوچستان کے ضلع کیچ کے علاقے زامران میں پاکستان فوج آپریشن کررہی ہے، اس دوران گن شپ ہیلی کاپٹروں نے مختلف مقامات پر شیلنگ کی ہے۔
اطلاعات کے مطابق گذشتہ تین روز سے پاکستانی فورسز زامران کے مختلف علاقوں میں فوجی آپریشن میں مصروف ہیں، آج صبح تربت ہیڈکوارٹر سے ہیلی کاپٹروں کی پروازیں دیکھنے میں آئی ۔
علاقائی ذرائع کے مطابق زامران کے مختلف علاقوں میں ہیلی کاپٹروں نے شیلنگ کی ہے جبکہ فوج کی بھاری نفری علاقے میں پیش قدمی کررہی ہے۔
تاحال کسی قسم کی گرفتاری یا جانی نقصانات کے حوالے سے کوئی اطلاعات موصول نہیں ہوسکی ہے جبکہ حکام کی جانب سے اس حوالے سے کوئی موقف پیش نہیں کیا گیا ہے۔
