ہفتے کے روز بلوچستان کے ضلع کیچ اور کوہلو میں دو مختلف واقعات میں سرکاری حمایتہ گروہ کے دو افراد ہلاک اور تین زخمی ہوگئے۔
پولیس کے مطابق ضلع کیچ کے تحصیل تمپ کے علاقہ کوھاڈ میں موٹرسائیکل پر سوار نامعلوم مسلح افراد نے فائرنگ کرکے جمیل ولد ملک داد اللہ سکنہ تمپ کوہاڈ کو ہلاک کردیا۔
فائرنگ سے معراج عارف زخمی ہوگئے جنہیں تربت سول ہسپتال منتقل کردیا گیا تاہم وہ ہسپتال میں دم توڑ گئے۔
علاقائی ذرائع کے مطابق مذکورہ افراد کا تعلق ایک سرکاری گروہ سے تھا۔
دریں اثنا کوہلو میں نوئے شم کے علاقے لونڈو میں سرکاری حمایت یافتہ شخص محبت خان مری کے کیمپ پر مسلح افراد نے حملہ کیا جس کے نتیجے میں تین افراد زخمی ہو گئے۔
حملہ آوروں نے ان کے ٹھکانے کو نذر آتش کرکے اسلحہ اپنے تحویل میں لے لیا۔
