ڈیرہ بگٹی سے آمد اطلاعات کے مطابق گزشتہ روز پاکستانی فورسز اور خفیہ اداروں کے اہلکاروں نے سیاہ آف میں پٹوخ کے گاؤں میں متعدد گھروں پر چھاپے مارے ہیں۔
مقامی لوگوں نے بتایا ہے کہ اس دوران فورسز نے گھروں میں لوٹ مار کی اور دو افراد کو جبری طور پر لاپتہ کردیا۔
مقامی لوگوں نے بتایا ہے کہ فورسز کے ہاتھوں جبری گمشدگی کا شکار بننے افراد کا تعلق کرمانزی شاخ سے بتایا جاتا ہے جن کی شناخت جواھو ولد بری بگٹی، جونا ولد نوکاف بگٹی کے ناموں سے ہوئی ہے۔
دریں اثنا گزشتہ رات سوئی کے گرانی محلہ میں فورسز نے چھاپہ مار کر سکندر ولد عجب خان بگٹی کو جبری طور پر لاپتہ کردیا ہے ۔
مقامی لوگوں نے کہا ہے کہ وزیر اعلی سرفراز بگٹی کے حالیہ دورہ سوئی کے بعد جبری گمشدگیوں کا سلسلہ تیز تر کردیا گیا ہے۔ اور سرکاری حمایت یافتہ لشکروں کو مزید اسلحہ فراہم کیا گیا ہے ۔
