بلوچ یکجہتی کمیٹی کے ترجمان نے کہا ہے کہ بلوچ قوم کی انسانیت سوز اور نسل کشی بلا روک ٹوک جاری ہے جیسا کہ بلوچستان میں جبری گمشدگیوں اور ماورائے عدالت قتل کی رفتار سے واضح ہے۔
انھوں نے کہاہے کہ بی وائی سی عابد حسین ولد غلام حسین اور مست خان ولد گہور خان لوٹانی کے بہیمانہ قتل کی شدید مذمت کرتی ہے جنہیں آٹھ سال قبل خضدار جاتے ہوئے پاکستانی فورسز نے اغوا کر لیا تھا۔ ان کی مسخ شدہ لاشیں گزان کوچو، خضدار سے ملیں، جہاں ایک پرچی چھوڑا گیا تھا جس پر ان کی شناخت کا ذکر تھا تاکہ ان کے خاندان کے افراد ان کی شناخت کر سکیں۔
ترجمان نے کہاہے کہ ماورائے عدالت قتل کے ایک اور کیس میں فقیر جان ولد سید محمد سکنہ کنری بزداد، جسے 2 ستمبر 2024 کو جبری لاپتہ کیا گیا تھا، اور عصاء بلوچ ولد نور دین سکنہ پاہو، جنہیں 17 فروری 2023 کو اغوا کیا گیا تھا۔ دونوں کو 30 نومبر 2024 کو ایک جعلی مقابلے میں تشدد کا نشانہ بنایا گیا تھا، پاکستانی افواج نے ان کی مسخ شدہ لاشیں آواران میں دریا کے کنارے پھینک دی تھی ۔
انھوں نے کہاہے کہ یہ گھناؤنی کارروائیاں بلوچ افراد کو جاری غیر انسانی اور منظم طریقے سے نشانہ بنانے کو نمایاں کرتی ہیں۔ انصاف کی فراہمی ضروری ہے، اور مجرموں کو ان جنگی جرائم اور انسانیت کے خلاف جرائم کے لیے جوابدہ ٹھہرایا جائے۔ ہم عالمی برادری اور تنظیموں پر زور دیتے ہیں کہ کم از کم ان جرائم اور انسانی حقوق کی خلاف ورزیوں کو اجاگر کریں۔
ترجمان بی وائی سی نے کہاہے کہ بلوچ قوم کے لیے تشدد کے اس چکر کو توڑنے کا واحد راستہ قومی مزاحمت ہے۔
