پاکستانی فورسز نے دعوی کیا ہے کہ بلوچستان کے علاقے کیچ میں ایک آپریشن کے دوران 3 مسلح افراد مارے گئے ہیں ،جن سے بھاری تعداد میں اسلحہ وگولہ بارود برآمد کر لیا گیا۔
دعویٰ کے مطابق کیچ میں فورسز نے کلیئرنس آپریشن انجام دیتے ہوئے 3 مسلح افراد کو مار گرایا، مارے جانے والوں میں مبینہ خود کش حملہ آور عدیلہ بلوچ کو تربیت فراہم کرنے والا ثنا عرف بارو بھی شامل ہے۔
سیکورٹی ذرائع نے دعویٰ کیا ہے کہ ثنا عرف بارو نے عدیلہ بلوچ کو کالعدم تنظیم میں شامل کیا اور اسے خودکش حملے کی تربیت دی تھی۔ تاہم ابتک فورسز کے دعوی کی تصدیق نہیں ہوسکی ہے ۔
