مستونگ میں ایف سی نے ڈیرہ مراد جمالی جانے والی ٹرکوں پر مستونگ کے علاقے دشت کمبیلا کے مقام پر فائرنگ کردی اور ٹرکوں کے ٹائر برسٹ کر دیئے۔
مستونگ سے تفصیلات کے مطابق اب سے کچھ دیر پہلے ٹرک جو ڈیرہ مراد جمالی جارہے تھے، ایف سی نے دشت کمبیلا مستونگ کے مقام پر ان پر فائرنگ کردی جس سے ٹرکوں کے ٹائر برسٹ ہو گئے اور ٹرک ڈرائیور بھی گولیاں لگنے سے زخمی ہو گئے۔
مقامی افراد کے مطابق ایک شخص جب زخمی ڈرائیوروں کو اپنے کار میں ڈال کر ہسپتال لے جارہا تھا تو ایف سی نے اس کار کو بھی مستونگ ایف سی کیمپ کے سامنے روک کر ان پر تشدد کیا اور کار گاڑی کے بھی شیشے توڑ دیئے، کار ڈرائیور کو بھی دوسرے زخمیوں کے ساتھ ہسپتال پہنچا دیا گیا۔
واقعہ کے خلاف ٹرک ڈرائیوروں کا احتجاج جاری ہے اور ایف سی کے خلاف کاروائی کا مطالبہ کیا جارہا ہے ۔
