بلوچستان کے علاقے زیارت میں گذشتہ شب مسلح افراد کی بڑی تعداد نے ناکہ بندی کرکے گاڑیوں کی تلاشی لی ہے۔
ناکہ بندی کے دوران فائرنگ کی بھی اطلاعات موصول ہوئی ہے جبکہ اس دوران مسلح افراد دو افراد کو شناخت کے بعد اپنے ہمراہ لے گئے اور بعدازاں ان کو ہلاک کردیا گیا۔
ہلاک ہونے والے افراد کا تعلق پنجاب سے بتایا جاتا ہے۔
مزید برآں آج صبح مذکورہ علاقے میں پہنچنے والی پاکستانی فورسز کی بکتر بند گاڑی کو دھماکے میں نشانہ بنایا گیا۔
میڈیا ذرائع نے دو اہلکاروں کے ہلاک ہونے کی تصدیق کی ہے تاہم اس حوالے سے مزید تفصیلات آنا باقی ہے۔
